Aİ XİN rəhbərləri Rusiyaya qarşı yeni sanksiya rejimini təsdiqləyiblər
Aİ-nin 27 ölkəsinin xarici işlər nazirləri Rusiyaya qarşı, fiziki və hüquqi şəxslərə qarşı yeni sanksiyalar rejimini təsdiqləyib.
Bu barədə DPA agentliyi Aİ-nin diplomatik dairələrindəki mənbələrə istinadən məlumat yayıb.
Agentliyin yazdığı kimi, yeni rejim Aİ-yə Rusiyada müxalifətin təqibinə görə məsuliyyət daşıyan şəxslər və təşkilatlara qarşı sanksiyalar tətbiq etməyə imkan verəcək. Bunlara, xüsusən, onların aktivlərinin dondurulması və icma ölkələrinə girişinə qadağa daxildir. Yeni rejim qeyri-rəsmi olaraq Aleksey Navalnının adını daşıyır.
Agentliyin mənbələri bildiriblər ki, yeni rejim altında ilk addım olaraq sanksiya siyahısına 20-yə yaxın şəxs və təşkilat əlavə olunacaq.
