NASA və "Boeing" "Starliner" ekipajının missiyasını ikinci dəfə uzadıb
İlk dəfə göyərtəsində ekipajla birlikdə kosmosa çıxan "Starliner" kosmik gəmisinin missiyası ikinci dəfə - ən azı daha dörd gün uzadılıb.
Bu barədə "SpaceNews" NASA və "Boeing"ə istinadən xəbər verir.
Əvvəlcə iyunun 18-də Beynəlxalq Kosmik Stansiyadan (BKS) ayrılması planlaşdırılan kosmik gəminin missiyası keçən həftə ən azı iyunun 22-dək uzadıldı. İndi NASA və "Boeing" mütəxəssisləri gəminin ən azı iyunun 26-dək aşağı Yer orbitində qalacağına qərar veriblər.
NASA və "Boeing" rəsmiləri bildiriblər ki, kosmik gəminin orbitdə uzun müddət qalması "Starliner"in uçuşu zamanı qarşılaşdığı iki əsas problemi-rəftar təkanlarının nasazlıqlarını və helium sızmasını öyrənmək üçün daha çox vaxt verəcək. Bu problemlər Yerə qayıtmayan və gəmi atmosferə daxil olanda yanmalı olan xidmət modulunda qeydə alınır.
