Aİ məhkəməsindən TikTok əleyhinə qərar
Avropa İttifaqının (Aİ) Baş Məhkəməsi Çinin "ByteDance" şirkətinin əsas tərəfdaşı olduğu TikTok-un Birlik tərəfindən “qapı gözətçisi” kimi təsnif edilməsinə etirazını rədd edib.
Baş qərargahı Lüksemburqda yerləşən və AB-nin ən yüksək məhkəməsi olan Avropa Ədalət Məhkəməsinin strukturuna daxil olan Ümumi Məhkəmə Çinin "ByteDance" şirkətinin açdığı iş üzrə qərar verib.
Məhkəmə Aİ Komissiyasının TikTok-u “qapı gözətçisi” kimi təsnif etmək qərarına qarşı qaldırılan işi rədd edib.
Rəqəmsal platformaların fəaliyyətində dəyişikliklərə səbəb olan ötən il təsdiqlənən Aİ qanununa əsasən, Avropada fəaliyyət göstərən böyük rəqəmsal platformalar və şirkətlər “qapıçılar” adlandırılıb və onlara ciddi öhdəliklər qoyulmağa başlayıb.
Bu kontekstdə TikTok çox böyük onlayn platforma olaraq təyin olunub və AB tərəfindən "qapıçı" kimi təsnif edilib.
Bu şəkildə təsnif edilən platformaların fəaliyyəti rəqabəti artırmaq, istehlakçılara daha çox seçim imkanı vermək, qeyri-qanuni və zərərli məzmunun yayılmasının qarşısını almaq kimi bir neçə ciddi qaydalara uyğun olmalıdır.
Qaydaları pozan rəqəmsal platformalara yüksək cərimələr tətbiq edilə bilər. Qanun pozuntularının təkrarlanması halında bu platformaların Aİ-dəki fəaliyyətinə xitam verilə bilər.
TikTok Aİ-nin təsnifatına qarşı hüquqi prosedurlara başlayıb.
