Trampa qarşı yenidən sui-qəsd cəhdi olub
ABŞ-da Respublikaçılar Partiyasından prezidentliyə namizəd Donald Trampa qarşı yeni sui-qəsd edilib.
AFN.az xəbər verir ki, bu barədə Nümayəndələr Palatasının respublikaçı üzvü Marcori Teylor-Qrin məlumat verib.
Onun sözlərinə görə, Donald Trampın qaldığı yerin yaxınlığında atışma baş verib.
“The New York Post”un yazdığına görə, atışma Florida ştatının Palm-Biç şəhərindəki qolf klubunun yaxınlığında, Tramp oradan çıxarkən baş verib. Atışma iki nəfər tərəfindən həyata keçirilib, onlar bir-birini nişan alıblar, atəş açanların hədəfi siyasətçi olmayıb.
ABŞ Məxfi Xidməti açıqlama verərək insidenti araşdırdığını və Trampın həyatına təhlükə olmadığını bildirib.
