Litva Ukraynaya 50 milyon avroya qədər hərbi yardım köçürəcək
Vilnüsün 2024-cü ilin sonuna qədər Kiyevə göstərmək niyyətində olduğu hərbi yardımın dəyəri 40 milyon avrodan 50 milyon avroya qədər olacaq.
AFN.az xəbər verir ki, bunu ölkənin müdafiə naziri Laurinas Kaçiunas jurnalistlərə açıqlamasında deyib: “Bu il Ukraynaya hərbi yardımımızın həcmi 153 milyon avro təşkil edib, ilin sonuna qədər əlavə yardımın dəyəri 40 milyon avrodan 50 milyon avroya qədər olacaq”.
Nazirin sözlərinə görə, Litva Ukraynanın uzaqmənzilli silahlarının, o cümlədən "Palyanitsa" dron raketinin istehsalının inkişafına 10 milyon avro sərmayə qoymaq və Kiyevəötürülməsi üçün qısa mənzilli hava hücumundan müdafiə sistemləri, radarlar və minalardan təmizləmə avadanlıqları almaq niyyətindədir.
Ukrayna böhranı başlayandan bəri Vilnüs Kiyevə ümumi daxili məhsulun (ÜDM) 2%-i həcmində yardım ayırıb və sonradan hər il Ukraynaya ÜDM-in 0,25%-i həcmində hərbi yardım göstərəcəyini vəd edib ki, bu da təxminən 190 milyon avro deməkdir.
