Fransa Martinikaya çevik polis göndərdi
Fransa Karib dənizindəki Martinik adasına iğtişaşlara qarşı xüsusi polis dəstəsi göndərib.
"Euronews" xəbər verir ki, Fransa mərkəzi hökumətinin xarici ölkələrdəki sözçüsü Fort-de-France, Le Lamentin, Ducos və Le Robert bələdiyyələrində etirazların bazar ertəsi gününə qədər qadağan olunduğunu bildirdikdən sonra təhlükəsizlik qüvvələri bu həftə sonu gəlib. Hökumət komendant saatı tətbiq edib.
Məhdudiyyətlər keçən həftə adada yaşayış bahalığına görə şiddətli etirazların başlamasından sonra tətbiq edilib. İğtişaşlar zamanı azı 6 polis əməkdaşı və bir mülki şəxs yaralanıb, bir neçə mağaza talan edilib.
Hökumət rəsmiləri bildiriblər ki, qadağalar zorakılıq və zərərə, eləcə də bütün əhaliyə təsir edən gündəlik həyat və hərəkət azadlığına çoxsaylı maneələrə son qoymaq üçün tətbiq edilib.
