Çin kosmik stansiyaya yeni taykonavt heyəti göndərib
Çinin yer orbitində qurduğu Tiengong (Səma Sarayı) Kosmik Stansiyasında xidmət edəcək səkkizinci taykonavt komandası yola düşüb.
Çin İnsanlı Kosmik Proqram Agentliyinin (CMSA) verdiyi açıqlamaya görə, taykonavtlar Cay Shuji, Song Lingdong və Vang Haozini daşıyan "Shinjou-19" kosmik gəmisi Qobi səhrasındakı Ciuchuen Peyk Mərkəzindən "Long March 2F" raketi ilə buraxılıb.
Bildirilib ki, havaya qalxdıqdan 10 dəqiqə sonra raketdən ayrılan kapsul planlaşdırılan orbit istiqamətinə daxil olub və buraxılış uğurlu olub.
Taykonavt komandasının kosmik stansiyaya 6,5 saata çatacağı gözlənilir. Taykonavtlar aprelin 25-də “Shincou-18” servisi ilə stansiyaya yola salınan və 6 aydır vəzifədə olan taykonavt komandasını əvəzləyəcəklər.
Ekspedisiyanın komandanlığını üzərinə götürən 48 yaşlı Cay 2022-ci ildə “Şinkou-14” ekspedisiyası ilə kosmik stansiyaya səyahət edib.
1990-cı il təvəllüdlü digər taykonavtlar Song Lingdong və Vang Haozi ilk dəfə olaraq insanlı kosmik missiyada iştirak edirlər.
Song əvvəllər Çin Hərbi Hava Qüvvələrində pilot və Vanq Çin Aerokosmik Elm və Texnologiya Korporasiyasında mühəndis vəzifələrində çalışıb.
Çinin insanlı kosmik ekspedisiyalarında iştirak edən ilk qadın uçuş mühəndisi olan Vanq bu ekspedisiyalarda iştirak edən üçüncü qadın taykonavt olub.
Mənbə: AA
