ABŞ Poçt Xidməti 10 min işçisini ixtisar etməyə hazırlaşır
Birləşmiş Ştatların Poçt Xidməti (USPS) agentlikdə səmərəliliyi artırmaq üçün Hökumətin Səmərəliliyi Departamenti (DOGE) ilə əməkdaşlıq çərçivəsində 10,000 iş yerini ixtisar etməyi planlaşdırır.
USPS sədri Louis DeJoy poçt xidmətlərində səmərəliliyi artırmaq üçün DOGE ilə işləyəcəyini açıqlayıb.
DeJoy USPS-nin pensiya fondlarından işçilərin təzminatlarına qədər bir çox xərclərinin səhv idarə olunduğunu və DOGE komandasının bu problemlər qarşısında agentliyə səmərəliliyini artırmağa kömək edəcəyini söyləyib.
Bu kontekstdə DeJoy könüllü erkən pensiya proqramı vasitəsilə 30 gün ərzində 10.000 işçini işdən çıxarmağı planlaşdırır.
USPS-də malların şəhərdən kənd yerlərinə çatdırılmasına cavabdeh olan təxminən 640,000 işçi çalışır.
ABŞ prezidenti Donald Tramp vəzifəyə gəldikdən sonra DOGE vasitəsilə federal qurumlarda çalışan minlərlə insanı işdən çıxarıb.
Qeyd edək ki, xüsusilə yeni işə qəbul edilənlər arasında kütləvi ixtisarlar nəticəsində ölkə daxilində bir çox həmkarlar ittifaqı və təşkilatlar Tramp hökumətinə qarşı məhkəmə iddiası qaldırıb.
