Vens: Mask ABŞ administrasiyasında qalacaq
ABŞ Hökumətinin Səmərəliliyi Departamentinin (DOGE) işinə nəzarət edən İlon Mask Amerika administrasiyasındakı işini hələ başa çatdırmayıb. O, Donald Trampın administrasiyasında məsləhətçi kimi fəaliyyət göstərəcək.
AFN.az xəbər verir ki, bunu ABŞ-ın vitse-prezidenti Ceyms Devid Vens deyib.
"Gördüklərimiz tamamilə saxta xəbərlər idi" - deyə o, "Fox News"a açıqlamasında bildirib: "İlon Mask ABŞ administrasiyasına gəldi və biz ona Amerika xalqının istəklərinə zidd olan, çox baha başa gələn inanılmaz, kütləvi bürokratiyanı azaltmağımız lazım olduğunu söylədik. Bunun altı ay çəkəcəyini bildirdik, lakin əlbəttə ki, o, məsləhətçi olmağa davam edəcək və yeri gəlmişkən, DOGE-nin vəzifəsinin bitmə yaxın müddətdə gözlənilmir".
Vens onu da qeyd edib ki, Maskın rəhbərlik etdiyi şöbənin işi onun vəzifədən getməsindən sonra da davam edəcək. “İlon isə həm mənim, həm də ümumilikdə prezident Tramp üçün təkcə dost deyil, həm də məsləhətçi olaraq qalacaq”.
