Çin radar kalibrləmə peykini orbitə buraxıb
Çin yer radarlarının kalibrlənməsi və ölçmə parametrləri üçün istifadə edəcək peyki kosmosa göndərib.
"Sinxua" agentliyinin məlumatına görə, "Tienping 3A-02" peyki ölkənin şimalındakı Şansi əyalətindəki Tayyuen Peyk Mərkəzindən "Long March-6" daşıyıcı raketi ilə orbitə çıxarılıb.
Orbitdə planlaşdırılan mövqeyinə yerləşmiş peyk yer radarlarının kalibrlənməsi və en kəsiyinin ölçülməsi üçün istifadə olunacaq.
Peyk həmçinin optik yerüstü stansiyaların təsviri təcrübələrinə, aşağı yer orbitində kosmik mühitin monitorinqi sınaqlarına, kosmik mühit atmosferinin ölçülməsinə və orbitin proqnozlaşdırılması modellərinin korreksiyasına töhfə vermək üçün nəzərdə tutulub.
Buraxılış "Long March" raketləri ilə həyata keçirilən 568-ci uğurlu nəqliyyat missiyası olub.
Qeyd edək ki, "Tienping 3A-01" peyki 22 oktyabr 2024-cü ildə kosmosa göndərilib.
