Qəssam Briqadaları Həsən Fərhadın ölümünü təsdiqlədi
HƏMAS-ın hərbi qanadı İzzəddin əl-Qəssam Briqadaları səhər saatlarında İsrail ordusunun Livanın cənubundakı Sidon şəhərində bir binaya təşkil etdiyi hava hücumunda Qəssam komandirlərindən Həsən Əhməd Fərhadın, oğlunun və qızının öldüyünü təsdiqləyib.
Qəssam Briqadaları tərəfindən verilən açıqlamada "Həsən Əhməd Fərhad Əbu Yasir, qızı Canan Fərhad və oğlu Həmzə Fərhad Livanın Sidon bölgəsindəki evində İsrail tərəfindən həyata keçirilən hücum nəticəsində şəhid oldular" qeyd edilib.
Açıqlamada “Bir daha vurğulayırıq ki, Fələstin ərazisində və xaricdə mücahidlərimizə qarşı həyata keçirilən bu hücumlar cihad və müqavimət yolundakı qətiyyətimizi heç vaxt qırmayacaq” ifadələri qeyd edilib.
Qeyd edək ki, İsrail ordusunun səhər saatlarında Livanın cənubundakı Sidon şəhərində bir evə təşkil etdiyi hava hücumunda eyni ailədən 3 nəfərin öldüyü bildirilib.
İsrail ordusu sözügedən hücumda Həmas komandirlərindən Həsən Əhməd Fərhadın öldürüldüyünü açıqlamışdı.
