Qəssam Briqadaları: 12 İsrail əsgərini öldürdük
HƏMAS-ın hərbi qanadı İzzəddin əl-Qəssam Briqadaları Qəzza zolağının şimalındakı Cibaliya Qaçqınlar Düşərgəsində keçirdiyi əməliyyatda 12 İsrail əsgərini öldürdüklərini açıqlayıb.
Qəssam Briqadaları tərəfindən verilən açıqlamada Qəzza zolağının şimalındakı Cibaliya düşərgəsində həyata keçirilən kompleks əməliyyatda İsrail ordusuna aid D9 hərbi buldozerinin "Yasin-105" raketi ilə hədəfə alındığı və iki anti-personal raketlə bir evdə gizlənən İsrail qüvvələrinin hədəf alınaraq vurulduğu ifadə edilib.
Bu arada xilasetmə qüvvələri hadisə yerinə doğru irəliləyərkən Merkava tipli bir tankın partlayıcı ilə hədəf alındığı, əməliyyatda ən az 12 İsrail əsgərinin öldürüldüyü bildirilib.
