Sabirabadda ev yandı: 4 nəfər həlak oldu – FHN-dən açıqlama
Fövqəladə Hallar Nazirliyinin (FHN) qaynar telefon xəttinə Sabirabad rayonunun Muğan Gəncəli kəndində fərdi yaşayış evində yanğın olması barədə ilkin məlumat daxil olub.
Bu barədə FHN-dən məlumat verilib.
Məlumatla əlaqədar FHN-in müvafiq xilasetmə qüvvələri yanğın yerinə cəlb olunublar.
İlkin məlumata əsasən, yanğın ikimərtəbəli fərdi yaşayış evində baş verib. Yanğının kəşfiyyatı zamanı 4 nəfərin meyiti aşkar olunub.
Yanğın söndürülüb, ətrafda olan tikililər yanğından mühafizə olunub.
"Report"un məlumatına görə, hadisə zamanı həlak olan şəxslər Muğan Gəncəli kənd sakinləridir:
* 1989-cu il təvəllüdlü İmanov Tural Ağasəf oğlu;
* 2002-ci il təvəllüdlü İmanova Safalı Qorxmaz qızı;
* 2020-ci il təvəllüdlü İmansoy Osman bəy Tural oğlu;
* 2024-cü il təvəllüdlü İmansoy Esma Tural qızı.
