Eifman Balet Teatrı Misirdə 16 ildən sonra ilk dəfə çıxış edib
Boris Eifmanın Akademik Balet Teatrının “Piqmalion effekti” balet tamaşası Misirin yeni paytaxtında nümayiş olunub. Bu, kollektivin son 16 il ərzində Misir səhnəsində ilk qastroludur.
AFN.az xəbər verir ki, bu barədə teatrın qastrol və beynəlxalq əlaqələr üzrə direktor müavini German Qureyev TASS-a açıqlamasında bildirib.
Onun sözlərinə görə, truppa Misirdə ilk dəfə deyil, lakin son çıxış 16 il əvvəl Qahirədə, şəhər mərkəzində yerləşən köhnə opera binasında baş tutub.
12 və 13 dekabr tarixlərindəki tamaşalarla kollektiv Asiya və Afrika ölkələrini əhatə edən altı həftəlik qastrol proqramını yekunlaşdırır.
Misirə gəlməzdən əvvəl teatr Çin, Vyetnam və Hindistanda “Anna Karenina” və “Cinayət və cəza” tamaşalarını təqdim edib.
Qureyev qeyd edib ki, yeni paytaxt Qahirədən kənarda yerləşsə də, çoxlu sayda tamaşaçı biletlər alaraq tamaşaya gəlib.
