Tramp: Hörmüz tam nəzarət altındadır
ABŞ Prezidenti Donald Tramp ABŞ-ın Hörmüz boğazı üzərində tam nəzarətə sahib olduğunu iddia edərək strateji su yolunu nəzarətdə saxlaya biləcəklərini bildirib.
AFN.az xəbər verir ki, sosial media hesabından açıqlama verən Tramp Vaşinqtonun su yolunda tam nəzarəti təmin etdiyini iddia edib.
Tehran rəhbərliyi isə boğazın yenidən açılmasını nəzərdən keçirməzdən əvvəl ABŞ-ın təzminat ödəməli olduğunu bildiyini açıqlayıb.
ABŞ və İsrailin fevral ayında başladığı hücumlardan bəri İran hərbi müdaxilə təhdidi ilə boğazı faktiki olaraq bağlı saxlayır.
İran və Oman su yolunun öz idarəçilikləri altında yenidən açılmasına yönəlmiş mexanizmi müzakirə edir, ABŞ-la müharibənin sona çatdırılmasına dair danışıqların isə dayanma nöqtəsinə gəldiyi bildirilir.
Tramp paylaşımında ABŞ-ın dəniz blokadasını poladdan divar adlandırıb və İranın buna qarşı çıxa bilməyəcəyini iddia edib.
Tramp “Dəniz blokadamız hər kəs tərəfindən ‘POLAD DİVAR’ adlandırılır və İranın buna qarşı edə biləcəyi heç bir şey yoxdur. İran sadəcə danışır, əməl yoxdur. Artıq Yaxın Şərqin zorbası deyil. Allaha şükürlər olsun!” deyib.
İranın Fars körfəzi Boğaz Səlahiyyətləri İdarəsi isə Hörmüz boğazının bağlı qalmağa davam etdiyini açıqlayıb.
Qurumun yaydığı açıqlamada ABŞ rəsmilərinin blokadanın aradan qaldırıldığına dair bəyanatlarının reallığı dəyişdirmədiyi, İranın şərtləri qəbul edilənədək su yolunun açılmayacağı qeyd olunub.
