İran İnqilab Keşikçiləri: Hörmüz boğazında MQ-1 tipli PUA vurulub
İran İnqilab Keşikçiləri Ordusu Hörmüz boğazı üzərində ABŞ istehsalı olan MQ-1 tipli pilotsuz uçuş aparatını (PUA) vurduğunu açıqlayıb.
AFN.az xəbər verir ki, “Fars” xəbər agentliyi İnqilab Keşikçiləri Ordusunun yaydığı yazılı açıqlamanı dərc edib.
Açıqlamada Hörmüz boğazı üzərində uçan MQ-1 tipli PUA-nın İranın hava hücumundan müdafiə sistemi tərəfindən aşkar edilərək vurulduğu bildirilib.
ABŞ tərəfindən 1990-cı illərdə istehsal olunan MQ-1 tipli PUA ilkin olaraq müşahidə və uzaq məsafədən kəşfiyyat məqsədləri üçün hazırlanıb. Daha sonra bu PUA-lar yeni kameralar və raketlərlə təchiz edilib.
