Qətər sahilləri yaxınlığında neft tankerinə hücum edilib: ölən və yaralananlar var
Böyük Britaniyanın Dəniz Ticarət Əməliyyatları (UKMTO) Qətərin Mədinət əş-Şəmal şəhərindən 51 dəniz mili şimalda neft tankerinə hücum edildiyini və hadisə nəticəsində ölən və yaralananların olduğunu bildirib.
AFN.az xəbər verir ki, UKMTO-nun yayımladığı yazılı açıqlamada Fars körfəzində hərəkət edən tankerin bir neçə döyüş sursatı ilə vurulduğu bildirilib.
Qətərin Mədinət əş-Şəmal şəhərindən 51 dəniz mili şimalda həyata keçirilən hücum nəticəsində ölən və yaralananların olduğu qeyd edilib.
UKMTO bölgədəki gəmilərə hərəkət zamanı ehtiyatlı olmaları və şübhəli fəaliyyətlər barədə səlahiyyətli qurumlara məlumat vermələri çağırışı edib.
Hadisənin məsul şəxsi və istifadə edilən döyüş sursatının növü ilə bağlı isə hələlik rəsmi açıqlama verilməyib.
