ABŞ Konqresinə 7 müsəlman namizəd seçilib
ABŞ-da keçirilən aralıq seçkilərin qeyri-rəsmi nəticələrinə görə, Konqresə namizəd olan 7 müsəlman seçkidə qalib gəlib. Nümayəndələr Palatasına daha bir müsəlman namizədin də seçkilərdə qələbə qazanacağı gözlənilir.
AFN.az xəbər verir ki, ABŞ vətəndaşları Konqresdəki yeni bölgü ilə yanaşı, 36 ştatda qubernatorları və yerli qanunverici orqanların üzvlərini müəyyənləşdirmək üçün səs veriblər.
İlkin qeyri-rəsmi nəticələrə əsasən, Respublikaçılar həm Senatda, həm də Nümayəndələr Palatasında çoxluğu itiriblər.
Digər tərəfdən, müxtəlif dairələrdən Konqresə namizəd olan 6 müsəlman Nümayəndələr Palatasına seçilmək hüququ qazanıb.
Miçiqan ştatından ABŞ Senatına namizəd olan Misir əsilli Abdul əl-Sayed seçkidə Respublikaçı rəqibi Mayk Rocersi qabaqlayıb.
Beləliklə, Sayed ABŞ Konqresinə seçilən ilk müsəlman senator olub.
ABŞ Nümayəndələr Palatasında hazırda fəaliyyət göstərən müsəlman üzvlər İlhan Ömər, Rəşidə Tlaib, Lətifə Simon və Andre Karson keçirilən seçkilərdə yerlərini qoruyaraq daha iki il Konqresdə fəaliyyət göstərmək hüququ qazanıblar.
Digər tərəfdən, Nyu-Cersi ştatından namizəd olan, 2024-cü ildə Qəzzadakı Avropa Xəstəxanasında könüllü həkim kimi fəaliyyət göstərən və atəşkəs çağırışları ilə diqqət çəkən Adam Hamaui də seçkidə qalib gəlib.
Hamaui Nyu-Cersi ştatını Nümayəndələr Palatasında təmsil edən ilk müsəlman olub.
Nyu-Yorkdan namizəd olan Darializa Avila Şevalye isə sonradan İslamı qəbul etməsi ilə diqqət çəkir.
Şevalye Nyu-Yorkdakı seçkilərdə qalib gəlib.
Digər tərəfdən, Kaliforniyadan namizəd olan Ayşa Vahab da yarışı öndə aparsa da, nəticələr hələ açıqlanmayıb.
