Bələdiyyə sədri: "Elnur Eltürk Türk dünyasının siyasi-ictimai, mədəni, sosial həyatında fəal iştirak edən gənclərimizdəndir"
Qars Şəhər Bələdiyyəsinin sədri Murtaza Qaraçanta diaspor üzrə araşdırmaçı jurnalist Elnur Eltürkə təşəkkürnamə verib.
Bələdiyyə sədri jurnalisti 2009-ci ildən tanıdığını bildirib.
“Elnur bəyi 2009-cü ildən tanıyıram. O zaman mən Qars Azərbaycan Mədəniyyət Cəmiyyətinin sədri idim. Qars Azərbaycan mədəniyyət tədbirlərinin təşkilində fəal iştirak edirdi. Türk dünyasının siyasi-ictimai,mədəni,sosial həyatında fəal iştirak edən gənclərimizdəndir. Daima Qarsla bağlı məlumatların mətbuata yayılmasında da fəallıq göstərir. Ona gələcək fəaliyyətlərində uğurlar arzulayıram”.
