Mahir Emreli "Legiya"da daha iki qol vurdu
Azərbaycan milli komandasın üzvü Mahir Emreli Polşanın "Legiya" klubunun heyətində daha iki qol vurub.
Qaynarinfo xəbər verir ki, futbolçumuz "Yaqelloniya" ilə yoxlama oyununda dubl edib. 24 yaşlı hücumçu 11-ci və 22-ci dəqiqələrdə rəqib qapısına yol tapıb.
Oyun 2:0 hesabı ilə yekunlaşıb və Mahir Emreli komandasına qələbə qazandırıb.
Qeyd edək ki, Mahir Emreli daha əvvəl Avstriya "Bişofshofen"ini 5:0 yendikləri matçda het-trikə imza atıb. Forvard Rusiya "Krasnodar"ı ilə bərabərə qaldıqları görüşdə komandasının yeganə qolunun müəllifi olub - 1:1.
