Rusiya hərbi kontingenti və erməni separatçılar üçün iki illik rahat həyat bitib - ŞƏRH
Bizə mane olan Rusiya prezidenti Vladimir Putindir. O Azərbaycanın Qarabağda suverenliyinin bərpasını istəmir.
AFN.az xəbər verir ki, bunu politoloq Elxan Şahinoğlu sülhməramlıların komandanı Volkovun azərbaycanlı etirazçıların tələbinə baxmayarar, onlarla görüşə gəlməməsini şərh edərkən deyib. O, qeyd edib ki, general Volkov əmr quludur: "O bu saat telefonun başında oturub Moskvadan təlimat gözləyir ki, yolda çadır quran azərbaycanlı vətəndaş fəallarına qarşı hansı tədbirlər görsün və ya görməsin. Putin anlayır ki, vəziyyət qəlizdir və elə buna görə Azərbaycan prezidenti İlham Əliyevə zəng edib, nəbz yoxlaması həyata keçirir. Rusiya hərbi kontingenti və erməni separatçılar üçün iki illik rahat həyat bitib, bundan sonra yoldan kefləri istədikləri kimi istifadə edə bilməyəcəklərini anlayıblar. Bizi gərgin illər gözləyir".
