Yaponiya dünyanın elektron tullantı probleminin həllini tapıb
Yaponiya dünyanın elektron tullantı probleminin həllini tapıb. Yaponiyanın iqtisadiyyat, ticarət və sənaye naziri Yasutoşi Nişimura onun emalına cavabdeh olan ümumi beynəlxalq qurumun yaradılmasına çağırıb.
AFN.az xəbər verir ki, bu haqda yerli “Yomiuri” qəzeti yazır.
Yaponiya hakimiyyəti ABŞ və Avropa İttifaqı (Aİ) daxil olmaqla 14 ölkəyə istifadə olunmuş elektron cihazlardan metalların toplanması və təkrar emal edilməsi üçün texnologiyadan istifadəni genişləndirməyi təklif edir. Onların ehtiyat hissələri mis və alüminiumdan hazırlanır. Yapon nazirin sözlərinə görə, dünya resursların təkrar emalına kömək edən və mineral tədarük zəncirini gücləndirən sistem yaratmalıdır. Nişimuranın təşəbbüsü Beynəlxalq Enerji Agentliyi tərəfindən oktyabrın 28-də Parisdə keçiriləcək tədbirlərdə müzakirə olunacaq.
Yaponiya kompüterlərin, smartfonların sökülməsi və elektron lövhələrdən metalların çıxarılması ilə bağlı məsləhətlər vermək üçün ASEAN ölkələrinə öz mütəxəssislərini göndərməyi planlaşdırır. Yerli istehsalçılar "JX Nippon Mining & Metals" və "Mitsubishi Materials" artıq işlənmiş elektrik avadanlıqlarından çirkləri təmizləmək, lazımi metalların bərpası və təkrar emalı üçün mexanizm yaradıblar.
Rusiyada elektron tullantıların idarə olunması ilə bağlı yeni qaydalar sentyabrın 1-dən qüvvəyə minəcək. Yeniliklər elektron və elektrik avadanlıqlarının (EEEE) məcburi təkrar emal dərəcəsini 85 faiz səviyyəsində müəyyən edir. Bundan əlavə, təkrar emal edənlər üçün çəkiyə nəzarət sisteminə və lazımi tutuma malik olmaq tələbləri tətbiq edilir - indiyədək onlardan yalnız xüsusi lisenziya tələb olunurdu.
