ABŞ-da avtomobil sürücüsünün polisdən qaçması nəticəsində baş verən qəzada 8 nəfər ölüb
ABŞ-ın Texas ştatında 5 qeyri-qanuni mühaciri daşımaqda şübhəli bilinən avtomobil sürücüsünün polisdən qaçarkən törətdiyi qəzada 8 nəfər ölüb.
Texas ştatının İctimai Təhlükəsizlik Departamenti qəzanın yerli vaxtla saat 06:30 radələrində Cənubi Texas şossesində baş verdiyini bildirib.
Səlahiyyətlilər qeyd edib ki, 5 qeyri-qanuni mühaciri daşımaqda şübhəli bilinən avtomobilin sürücüsü polisdən qaçmaq istəyərkən qarşı zolaqdan gələn avtomobilə çırpılıb.
Polis qüvvələrinin paylaşdığı fotoşəkillərdə iki avtomobildən birinin yandığı görünərkən, avtomobillərdə olan sürücülər də daxil olmaqla 8 nəfərin həyatını itirdiyi açıqlanıb.
Departamentin sözçüsü Kristofer Olivarez ölənlərin bəzilərinin Honduras vətəndaşları olduğu barədə məlumat paylaşıb.
Qəzanın təfərrüatları və ölənlərin kimliyi ilə bağlı açıqlama verilməyib.
