Çempionlar Liqasında qrup mərhələsi bir daha oynanmayacaq - Yeni format
Çempionlar Liqasında qrup mərhələsi növbəti mövsümlərdə bir daha oynanmayacaq.
"Offsideplus.az" xəbər verir ki, növbəti "futbol ili"ndən etibarən ÇL fərqli formatda keçiriləcək. Avropanın ən nüfuzlu klub futbol turnirində 36 komanda çıxış edəcək.
Qrup mərhələsi isə 1 böyük liqa ilə əvəz olunub. Hər komanda ilkin mərhələdə 10 oyun keçirəcək (5-i ev, 5-i səfər). Liqada ilk "8-lik"də qərarlaşan komandalar avtomatik olaraq növbəti tura vəsiqə qazanacaq. 9-24-cü yerlərdəki klublar iki mərhələdən ibarət olan pley-off oyunlarına çıxacaq və 1/8 finala yollarını müəyyənləşdirəcəklər.
