Bratislavada bələdiyyə siqaret kötüklərindən yol çəkəcək
Slovakiyanın paytaxtı Bratislavada bələdiyyə siqaret kötüklərini təkrar emal etməklə yeni yol çəkməyi planlaşdırır.
Bələdiyyə tərəfindən idarə olunan tullantıların idarə edilməsi şirkəti OLO 2024-cü il üçün yeni yol planını açıqlayb və Milad bazarlarında siqaret kötükləri və elektron siqaret filtrlərinin atılması üçün xüsusi qutular yerləşdirib.
Bildirilib ki, bələdiyyə asfalt çəkilişində bu tullantılardan istifadə edəcək və bu yolla daha təmiz küçələr əldə etməyi qarşısına məqsəd qoyub.
OLO-dan verilən açıqlamada, 2024-cü il ərzində bütün ictimai tədbirlərdə butt qutularının quraşdırılacağı bildirilib.
OLO-nun direktoru Martina Çeçova mövzu ilə bağlı verdiyi açıqlamada “Bir festivalda iştirak edən, qaçan və ya bazara gedənlər qutuya çöp atsalar, nəinki daha təmiz bir ətraf mühitə töhfə verəcəklər, həm də bunun təkrar emalını təmin edəcəklər" - deyə bildirib.
Layihə çərçivəsində siqaret kötüklərinin xüsusi lifə çevrilməsi və asfalt məhlulu ilə qarışdırılması nəzərdə tutulur.
Oxşar layihə daha əvvəl Slovakiyada həyata keçirilib və ölkənin daxili hissəsindəki Žiar nad Hronom bölgəsində siqaret kötükləri ilə çəkilən yol ilk dəfə olaraq qeydə alınıb.
