İtkin düşən məktəblilərdən biri tapıldı
![](/uploads/posts/2024-01/1705564704_itkinnn.jpg)
Bakıda itkin düşən məktəblilərdən biri tapılıb.
17 yaşlı A.Məmmədovun təhsil aldığı 29 nömrəli tam orta məktəb açıqlama yayıb.
Bildirilib ki, 15 və 16 yanvar tarixlərində bir nəfər 11-ci sinif şagirdi (müvafiq səbəbdən şagirdin adı qeyd olunmur) dərs prosesində iştirak etməyib: “Sinif rəhbəri məktəblinin himayəsində yaşadığı yaxın qohumu ilə əlaqə saxladıqda şagirdin səhər evdən çıxdığı və sonradan evə qayıtmadığı məlum olub. Uşağın qohumu tərəfindən hüquq-mühafizə orqanlarına müraciət olunub.
Məktəb rəhbərliyi tərəfindən digər şagirdin köməyi ilə instaqram hesabı vasitəsilə şagirdlə əlaqə saxlanılıb, yeri müəyyən edildikdən sonra hüquq-mühafiqə orqanlarına da məlumat verilib.
Şagirdlə məktəb rəhbərliyi və psixoloq tərəfindən müvafiq söhbət aparılıb, hazırda məktəbdədir, Böyük Summativ Qiymətləndirmədə (BSQ) iştirak edir”.