Danimarka quş qripinə görə 20 min toyuğu məhv edəcək
Danimarkanın Zelandiya bölgəsində 20 min toyuq quş qripi epidemiyası səbəbindən məhv ediləcək.
Bu barədə DR xəbər verib.
Baytarlıq və Qida İdarəsi Zelandiya bölgəsinin Holbeek bələdiyyəsində quş qripi epidemiyasının aşkar edildiyini açıqlayıb.
Təsirə məruz qalan fermadan gələn quşlar növbəti 24 saat ərzində məhv edilməlidir. Ocağın ətrafında 3 km radiusda gücləndirilmiş nəzarət sanitar kordonu və 10 km radiusda nəzarət zonası quraşdırılacaq.
Bu zonaya daxil olan ərazilərdə quşların və məhsulların sanitariya xidməti tərəfindən yoxlanılana qədər onların hüdudlarından kənara daşınması və quşlarla sərgilərin keçirilməsi qadağandır.
İlin əvvəlindən ölkədə quş qripi səbəbindən artıq 200 min ev quşu tələf olub.
