Almaniya Aİ-nin Qırmızı dənizdəki “Aspides” missiyasına qoşun göndərilməsini təsdiqləyib
Almaniyada Bundestaq Qırmızı dənizdə ticarət gəmilərinin naviqasiya təhlükəsizliyini təmin etmək üçün Avropa İttifaqı tərəfindən yaradılmış “Aspides” missiyasına alman əsgərlərinin göndərilməsini təsdiqləyib.
Parlamentdə keçirilən səsvermədə 538 deputat təklifi təsdiqləyib, 31 deputat əleyhinə səs verib, 4 deputat isə bitərəf qalıb.
Nazirlər Şurasının daha əvvəl qəbul etdiyi memoranduma görə, Almaniya bir freqat və təxminən 700 əsgəri ilə missiyaya töhfə verəcək.
