ABŞ və İran Omanda gizli görüş keçirib
ABŞ və İran nümayəndələri bir neçə gün əvvəl Omanda Yaxın Şərqdəki gərginliyi nəzarətdə saxlamaq üçün gizli görüş keçiriblər.
İsraildə ivrit dilində yayımlanan "Walla" xəbər saytı adı açıqlanmayan iki mənbəyə istinadən bildirib ki, 14 mayda ABŞ və İran Omanda Yaxın Şərqdəki gərginliklə bağlı gizli danışıqlar aparıblar.
Gizli danışıqlara ABŞ Ağ Ev Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk və İranın xüsusi nümayəndəsi Abram Pelinin qatıldığı bildirilsə də, İran tərəfi ilə bağlı məlumat verilməyib.
Bildirilib ki, bu görüş yanvarda Omanda keçirilən analoji görüşdən sonra iki tərəf arasında dolayı danışıqların ilk raundu olub.
Dolayı danışıqların İranın İsrailə hücumundan təxminən bir ay sonra Omanın vasitəçiliyi ilə aparıldığı qeyd edilib və ABŞ rəhbərliyinin Yaxın Şərqdəki böhranın regional müharibəyə çevrilməsinin qarşısını almağa çalışdığı bildirilib.
Bildirilib ki, görüşlər zamanı İran və onun regiondakı işbirlikçilərinə qarşı bu hücumların nəticələrini izah edən ABŞ, həmçinin İranın nüvə proqramını inkişaf etdirməsindən narahatlığını bildirib.
Mənbə: AA
