ABŞ administrasiyası Ukraynaya yeni Patriot hava hücumundan müdafiə sistemi göndərəcək
New York Times (NYT) qəzeti ABŞ administrasiyasının Ukraynaya yeni Patriot hava hücumundan müdafiə sistemi göndərəcəyini yazıb.
Adlarının açıqlanmaması şərti ilə NYT qəzetinə danışan iki yüksək rütbəli ABŞ rəsmisi ABŞ prezidenti Co Baydenin Ukraynaya Patriot sisteminin göndərilməsi ilə bağlı qərarın ötən həftə verildiyini bildirib.
Rəsmilər Patriot sisteminin texniki xidmətdən sonra yaxın günlərdə Ukraynaya göndərilə biləcəyini və bu qərarın digər müttəfiq ölkələri də eyni addımı atmağa sövq edə biləcəyini bildiriblər.
Rəsmilər qeyd ediblər ki, ABŞ Müdafiə Nazirliyi (Pentaqon) Polşaya da Patriot batareyası yerləşdirə bilər.
