Hizbullah İsrailin 4 hərbi obyektinə hücum etdiyini açıqlayıb
![](/uploads/posts/2024-06/lubnan-israeli-attack-aa-2174196_1.jpg)
Hizbullah Hərəkatı Livanın cənubundan İsrailin sərhəddəki hərbi hədəflərinə hücum edildiyini açıqlayıb.
Açıqlamada Livana aid olan, lakin İsrailin nəzarəti altında olan Kəfr Şuba təpəsindəki Ramsa və əl-Smaki hərbi mövqelərinin idarə olunan raketlə vurulduğu bildirilib.
İsrail əsgərlərinin toplanma nöqtələri olan Hale Varde bölgəsi və Metula qəsəbəsinə də raketlərlə hücum edildiyi bildirilib.
Livanın rəsmi agentliyi NNA-nın xəbərinə görə, İsrail ordusunun Deyr Mimas və Kfarkilla qəsəbələri arasındakı ərazini artilleriya atəşi ilə hədəfə aldığı bildirilib.
İsrail dövlət televiziyası KAN-ın xəbərində Livandan Avivim qəsəbəsinə 2 ədəd idarə olunan raketin atıldığı və can itkisinin olmadığı, ancaq bəzi bölgələrdə yanğının başladığı bildirilib.
Xəbərdə Metula yaşayış məntəqəsinə 5 idarə olunan raketin atıldığı və raketlərin boş ərazilərə düşdüyü təfərrüatlı şəkildə qeyd olunub.