Nigeriyada silahlı hücumlarda 12 nəfər ölüb
Nigeriyanın Benue və Kaduna əyalətlərində baş verən silahlı hücumlarda 12 nəfər həyatını itirib.
Katsina-Ala bölgəsinin millət vəkili Conatan Aqbidye verdiyi açıqlamada, Benue əyalətinin Katsina-Ala bölgəsində naməlum silahlı şəxslər tərəfindən hücumun həyata keçirildiyini bildirib.
Aqbidye hücumda 6 nəfərin öldüyünü, çoxlu sayda insanın yaralandığını bildirib. Çox sayda adamın qaçırıldığını deyən Aqbidye silahlı şəxslərin rayon sakinlərindən ərzaq məhsulları oğurladığına diqqət çəkib.
