Sabah qiymətləndiricilərin konfransı keçiriləcək
Azərbaycan Qiymətləndiricilər Cəmiyyətinin İdarə Heyətinin qərarı ilə sabah təşkilatın növbədənkənar konfransı keçiriləcək.
AFN.az xəbər verir ki, tədbirdə ötən müddətdə aparılan fəaliyyət, müsbət və mənfi nəticələr, mövcud vəziyyət, gələcək fəaliyyət planı müzakirə ediləcək, təşkilatın seçkili orqanlarına seçkilər keçiriləcək.
Konfrans “Wyndham Garden Baku” otelinin “Xan Çınar” zalında təşkil olunacaq və saat 11.00-dan etibarən öz işinə başlayacaq.
Tədbir KİV nümayəndələri üçün açıqdır.
