Hər üç abituriyentdən biri universitetə qəbul ola bilməyib
Ali təhsil müəssisələrinin müsabiqəsində 82 883 nəfər iştirak edib.
Modern.az xəbər verir ki, müsabiqə şərtlərini ödəyən 27 227 abituriyent tələbə adını qazana bilməyib
Bu da təxminən ixtisas seçimində iştirak edən hər 3 abituriyentdən 1-nin müsabiqədən keçmədiyini göstərir.
Boş qalan yerlərə ixtisas seçimi avqustun 28-dən sentyabrın 2-dək elektron formada aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı orta ixtisas təhsili müəssisələrinin (kolleclərin) ixtisaslarının da kodlarını göstərə bilərlər.
