K-Pop "Demon Hunters" "Netflix"in ən çox baxılan filmi oldu
2025-ci ilin K-Pop cizgi filmi "Demon Hunters" Amerikanın "Netflix" axın xidmətində indiyə qədər ən çox baxılan film olub.
AFN.az xəbər verir ki, bu barədə xidmət çərşənbə axşamı yaydığı press-relizdə bildirib. "Sony Pictures Animation" ilə birgə yaradılan qlobal hit bu günə qədər 236 milyondan çox baxışla "Netflix"in ən çox baxılan filmi oldu", - deyə açıqlamada qeyd edilib.
Bundan əlavə, cizgi filmindəki orijinal mahnılar "Billboard Hot 100 chart"in Top 10-una daxil olub. Son bir ay ərzində filmin saundtrek albomu "Spotify" striminq xidmətində 52,2 milyon dinləyici toplayıb.
K-Pop "Demon Hunters" üç nəfərdən ibarət K-pop qız qrupu "Huntrix"in hekayəsini izah edir. Rumi, Mira və Zoe nəinki mahnı ifa edib oxuyur, həm də iblis qüvvələrlə mübarizə aparır, pərəstişkarlarını fövqəltəbii təhlükədən qorumağa çalışırlar.
