Vəzifədən alınan Vüqar Qurbanovdan ilk AÇIQLAMA
“Müşahidə Şurasının qəbul etdiyi qərara hörmətlə yanaşıram”.
AFN.az xəbər verir ki, bunu “Qafqazinfo”ya TƏBİB-in sabiq icraçı direktoru Vüqar Qurbanov vəzifəsindən azad olunması ilə bağlı sualı cavablandırarkən bildirib.
“TƏBİB-də fəaliyyət göstərdiyim dövrdə əsas məqsəd vətəndaşlara göstərilən tibbi xidmətlərin keyfiyyətinin artırılması olub. Bu prosesdə əməyi keçən hər kəsə təşəkkürümü bildirirəm”, - V.Qurbanov qeyd edib.
Xatırladaq ki, Vüqar Qurbanovun işdən çıxarılması ilə bağlı qərar Müşahidə Şurası tərəfindən verilib. Şuranın digər qərarı ilə TƏBİB-in icraçı direktoru vəzifəsinin müvəqqəti icrası Anar İsrafilova həvalə edilib.
