Türkiyə Finlandiyanın NATO-ya üzvlüyünə yaşıl işıq yandırdı
“Türkiyə Finlandiyanın NATO-ya üzvlüyünə “hə” deyib”.
Musavat.com xəbər verir ki, bunu Türkiyə prezidenti Rəcəb Tayyib Ərdoğan Ankarada finlandiyalı həmkarı ilə birgə mətbuat konfransında bildirib.
Ərdoğan qeyd edib ki, Finlandiyanın NATO-ya üzvlüyü ilə bağlı Türkiyə parlamentində ratifikasiya proseduru başlayacaq.
O bildirib ki, Türkiyənin minlərlə vətəndaşı terror qurbanı olub. Ərdoğan İŞİD terror təşkilatını meydanda məğlub edən tək NATO üzvü olduqlarını vurğulayıb.
