Dietoloq uzunömürlülüyün sirlərini açıqlayıb
Dietoloq Brıkin düzgün qidalanmağı uzunömürlülüyün sirri adlandırıb
AFN.az-ın Rusiya mediasına istinadən verdiyi xəbərə görə, hemotest laboratoriyasının həkimi, idman dietoloqu Anton Brıkin uzunömürlülüyün sirlərini açıqlayıb.
O, bildirib ki, dünyada uzunömürlülüyün sirri gündəlik qidalanma ilə bağlıdır. Onun sözlərinə görə, dəniz məhsulları və yağlı balıqlardan ibarət Aralıq dənizi pəhrizinin faydaları çoxdan sübut olunub. Həkim qeyd edib ki, bu məhsulların tərkibində çoxlu əvəzolunmaz yağ turşuları, vitaminlər və minerallar var.
Mütəxəssis vurğulayıb ki, İtaliya və İspaniya sakinlərinin pəhrizində mədə-bağırsaq traktının işini normallaşdıran çoxlu təzə tərəvəz, meyvə və göyərti var. Onlar doymuş yağlarla zəngin olan təzə sıxılmış zeytun yağından da istifadə edirlər.
Həkim belə bir pəhrizin xərçəng və aterosklerozun qarşısını almağa kömək etdiyini bildirib.
Dietoloq Qafqazdakı uzunömürlülüyün də xüsusi diqqətə layiq olduğunu vurğulayıb. Qida rasionunda qızardılmış qırmızı ətə üstünlük verən qafqazlılar uzunömürlülüklə diqqəti cəlb edirlər. Həkim xəbərdarlıq edib ki, qırmızı ət xərçəng riskini artırır. Onu da vurğulayıb ki, Qafqazın sakinləri əsrlərdir ki, ətlə qidalanırlar və onların mədə-bağırsaq orqanları artıq onu həzm etməyə uyğunlaşıb: "Bundan əlavə, Qafqazın dağlıq bölgələrində uzunömürlülük fenomeni ərimiş sudan istifadə ilə də bağlıdır - onun sağlamlığa faydalarını sübut edən tədqiqatlar var", - mütəxəssis bildirib.
