ABŞ-da 2023-cü ildə 12-ci edam həyata keçiriləcək
ABŞ-ın Missuri ştatında 2000-ci ildə iki qətl törədən cinayətkar edam olunacaq.
"Associated Press"in məlumatına görə, ştat qubernatoru Mark Parson iki həbsxana nəzarətçisini öldürən 42 yaşlı Maykl Tisiusun əfv tələbini rədd edib. Thisius cinayəti 2000-ci ilin iyununda keçmiş kamera yoldaşını mahal həbsxanasından azad etməyə çalışarkən törədib.
Bazar ertəsi ABŞ Ali Məhkəməsi Tisiusun qətl zamanı 19 yaşında olduğunu əsas gətirərək edamı dayandırmaqdan imtina edib. Keçən həftə federal hakim 2010-cu ildə Tisiusu mühakimə edən andlı iclasçılardan birinin savadsız olması səbəbindən hökmün icrasını dayandırdı, lakin apelyasiya komissiyası bu qərarı ləğv etdi.
"Associated Press" qeyd edib ki, Tisius Missuridə üçüncü, ABŞ-da isə 2023-cü ilin əvvəlindən edam edilən 12-ci şəxs olacaq.
