"Harri Potter" kitabının ilk nəşri hərracda baha qiymətə satılıb
"Harri Potter və Fəlsəfə Daşı" kitabının 1997-ci ilə aid ilk nəşri İngiltərədə keçirilən hərracda 10,5 min funt-sterlinqdən (13,5 min dollar) baha qiymətə satılıb.
AFN.az-ın məlumatına görə, bu barədə "The Independent" xəbər verir.
Hərrac "Richard Winterton Auctioneers" hərrac evi tərəfindən iyulun 10-da Staffordşir ştatının Liçfield şəhərində keçirilib.
Məbləğin ilkin hesablamadan iki dəfə, kitabın ilkin alındığı məbləğdən isə 35 min dəfə çox olduğu ortaya çıxıb. Bir neçə il əvvəl həvəskar kolleksiyaçı bu "pis köhnəlmiş" nüsxəni kitabxanadan 30 pensə (təxminən 36 sent) alıb. Ekspertlər bunun 1997-ci ildə çap olunmuş 500 nüsxədən biri olduğunu təsdiqləyiblər.
Fevral ayında kanadalı ibtidai rəssam Maud Lyuisin 1967-ci ildə ondan cüzi qiymətə aldığı iki rəsm əsəri Kanadada hərracda 41 min Kanada dollarına satılıb. Lyuisin "Qışda öküzlər" və "At çəkmə kündələri" rəsmləri müvafiq olaraq 20.000 və 21.000 dollara satılıb. Əvvəlcə hər iki əsər rəssamdan cəmi 12 dollara alınıb.
