ABŞ Ukraynaya 1,3 milyard dollarlıq yeni yardım paketini açıqlayıb
ABŞ prezident administrasiyası Ukraynaya 1,3 milyard dollarlıq yeni yardım paketini açıqlayıb.
AFN.az xəbər verir ki, bu barədə Pentaqonun rəsmi saytında dərc edilmiş bəyanatda bildirilir.
Qeyd olunur ki, Vaşinqton növbəti tranş çərçivəsində Ukraynaya dörd NASAMS zenit-raket kompleksi (SAM), "Phoenix Ghost" və "Switchblade" döyüş pilotsuz uçan aparatı və artilleriya mərmiləri verəcək.
Bundan əlavə, yeni yardım paketinə 150 yanacaq daşıyan yük maşını, 115 zirehli traktor, minatəmizləmə avadanlığı, elektron müharibə (EW) avadanlığı və taktiki təhlükəsiz rabitə sistemlərinin çatdırılması da daxildir.
Bundan əvvəl ABŞ-ın Beynəlxalq İnkişaf Agentliyi (USAID) Ukraynaya 500 milyon dollar dəyərində humanitar yardım göstərəcəyini açıqlamışdı. Onun rəhbəri Samanta Pauerin sözlərinə görə, əlavə yardım "ukraynalıların təcili ehtiyaclarını ödəmək üçün" ayrılır.
