ABŞ-da şaquli uçuşa malik reaktiv ələ keçirən dron təqdim edilib
Amerikanın “Anduril Industries” şirkəti digər pilotsuz uçan aparatların qarşısını ala bilən “Roadrunner” şaquli uçuş və eniş aparatını təqdim edib.
Bu barədə "Defence News" yazır.
İki turbojet mühərrikli pilotsuz təyyarə iki variantda təqdim olunur. Əsas versiya müxtəlif missiyalar üçün faydalı yük daşımağa qadirdir və "Roadrunner-M" döyüş başlığını partlatmaqla dronları tutmaq üçün nəzərdə tutulub.
Düşmənin dronunu məhv etdikdən sonra cihaz yanacaq doldurmaq və təkrar istifadə etmək üçün buraxılış yerinə qayıda bilər. "Roadrunner"in daşınması və buraxılması üçün yığcam konteynerdən istifadə edilir.
“Şirkət bildirir ki, pilotsuz uçan aparat düşmən sistemlərini tez aşkarlaya, izləyə və söndürə bilər”, - nəşr yazır.
"Anduril"in təsisçisi Palmer Luckey qeyd edib ki, şirkət ABŞ-dan olan adı açıqlanmayan müştəri ilə müqavilə əsasında "Roadrunner"in seriyalı istehsalına hazırlaşır. Onun sözlərinə görə, bir dronun qiyməti bir neçə yüz min dollardır, lakin istehsal artdıqca maya dəyəri azala bilər.
