Ermənistan Təhlükəsizlik Şurası Rusiyadan asılılığı strateji səhv adlandırıb
Ermənistan Təhlükəsizlik Şurasının katibi Armen Qriqoryan 1991-ci ildən bəri Rusiyadan asılılığı “strateji səhv” adlandırıb.
O, fikirlərini martın 2-də Ermənistan ictimai televiziyasında səsləndirib.
Onun sözlərinə görə, ölkə iqtisadi, siyasi və hərbi-siyasi sahələrdə Rusiyadan çox asılı olub.
“2020-ci ildən bu sistemin işləmədiyini görəndə Ermənistanın təhlükəsizliyini təmin etmək üçün alternativlər tapmaq üçün addımlar atmağa başladıq. 1991-ci ildən bütün istiqamətlərdə Rusiyadan asılı olmağımız bizim böyük strateji səhvimiz idi”, - deyə Qriqoryan bildirib.
Eyni zamanda o, əvvəlki təhlükəsizlik sisteminin guya nə ikitərəfli Ermənistan-Rusiya formatında, nə də Kollektiv Təhlükəsizlik Müqaviləsi Təşkilatı (KTMT) çərçivəsində işləmədiyini bəyan edib.
