Konqoda bombalı hücumda ölənlərin sayı 35-ə yüksəlib
Mayın 8-də Konqo Demokratik Respublikasında (KDR) bombalı hücumda ölənlərin sayı 35-ə yüksəlib.
Hücumun həyata keçirildiyi Qoma bölgəsinin rəsmilərindən Erik Bvanapuva mətbuata açıqlamasında qaçqın düşərgəsindəki bombalı hücumda ölənlərin sayının artdığını bildirib.
Bvanapuva bombalı hücumda ölənlərin sayının 35-ə yüksəldiyi barədə məlumat paylaşıb.
Həyatını itirənlər arasında qadın və uşaqların da olduğu hücumun məsuliyyətini hələ heç kim üzərinə götürməsə də, hücumun üsyançı qruplar tərəfindən həyata keçirildiyi təxmin edilir.
