Rusiyada saxlanılan ABŞ əsgərinə 3 il 9 ay həbs cəzası verilib
Mayda Rusiyada sevgilisini döyüb pulunu oğurlamaqda günahlandırılaraq həbs edilən ABŞ əsgəri Qordon Blek 3 il 9 ay həbs cəzasına məhkum edilib.
Rusiyanın Vladivostok şəhərində ötən ay sevgilisi Aleksandra Vaşçuku döyərək onun pulunu oğurladığı üçün həbs edilən 34 yaşlı ABŞ əsgəri Qordon Blekin cəzası açıqlanıb.
Pervomayski Rayon Məhkəməsində hakim qarşısına çıxan Qordon Blek sevgilisini öldürməklə hədələyib pulunu oğurladığına görə 3 il 9 ay həbs və 10 min rubl pul cəzasına məhkum edilib. Qordon Blekin cəzasını saxlandığı həbsxanada başa vuracağı, vəkillərinin isə məhkəmə qərarına etiraz edəcəyi bildirilib.
Mənbə: AA
