Mingəçevirin ilk qeydə alınmış namizədi - Səbuhi Abbasov
Mingəçevirdən sentyabrın 1-də keçiriləcək növbədənkənar parlament seçkilərində iştirak edəcək ilk namizəd qeydə alınıb.
AFN.az xəbər verir ki, bu, internet-media ekspert, QHT sədri Səbuhi Abbasovdur. Bununla bağlı onun özü məlumat verib: "Əziz dostlar, dəyərli mingəçevirlilər. Şad xəbəri Sizlərlə paylaşmaq istəyirəm. Bu gün 54 Saylı Mingəçevir Seçki Dairəsindən namizədliyim qeydə alındı. Mingəçevir üzrə ilk (01) qeydə alınan namizədəm. Ölkə üzrə isə ilk 15-likdəyən. Bundan sonra 9 avqust 2024-cü il tarixədək sükut dövrü başlayır. Təbliğat, təşviqat xarakterli heç bir mətn, foto paylaşa bilmərəm. Odur ki, 9-30 avqust 2024-cü il tarixlərdə hər şey yenidən başlayacaq"
Məlumat üçün qeyd edək ki, Səbuhi Abbasov Mingəçevir şəhərində ən yüksək reytinqi olan namizəddir. 2020-ci il seçkilərində yüksək nəticəsi ilə yadda qalmışdır.
