Bolqarıstan telekommunikasiya infrastrukturunun bərpasında Ukraynaya kömək edəcək
Bolqarıstanın texniki hökuməti Ukraynanın dağılmış telekommunikasiya infrastrukturunun bərpası üçün yaradılmış xüsusi fonda 34 800 lev (təxminən 18 400 avro) məbləğində könüllü töhfəni təsdiqləyib.
Bolqarıstan hökumətinin mətbuat xidmətindən bildirilib ki, vəsait XİN-in büdcəsindən ayrılacaq.
Ölkə parlamentinin 2022-ci il noyabr tarixli qərarına uyğun olaraq, Ukraynanın iqtisadiyyatının, infrastrukturunun və enerjisinin bərpasına dəstəyin göstərilməsi Bolqarıstan üçün xarici siyasət prioritetlərindən biridir.
Həmçinin Bolqarıstan hökuməti Ukraynaya təhlükəsizlik və alyans ərazisində ukraynalıların təlimi sahəsində kömək etmək üçün NATO əməliyyatlarında Bolqarıstan hərbçilərinin iştirakına icazə verib. Qeyd olunur ki, qəbul edilən qərar Bolqarıstanın ümumi səylərlə həmrəyliyini və beynəlxalq sülh və təhlükəsizliyə dəstəyini təsdiq edir.
