"Fənərbaxça"nın 2 futbolçusu həbs oluna bilər
![](/uploads/posts/2024-08/fenerhebs.jpg)
Türkiyənin "Fənərbaxça" klubunun iki futbolçusu ilə bağlı həbs cəzası tələb olunur.
APA Türkiyə mediasına istinadən xəbər verir ki, ötən mövsüm "Trendyol" Super Liqasının 37-ci həftəsində baş tutan "Qalatasaray" - "Fənərbaxça" derbisindən sonra baş verən hadisələrlə bağlı istintaq prosesi yekunlaşıb.
Prokurorluq futbolçular Jaden Quinn Oosterwolde və Mert Hakan Yandaş da daxil olmaqla, saxlanılan 5 nəfərin hər biri üçün 6 il 9 aya qədər həbs cəzası istəyib.
Saxlanılanlar içərisində klubun həkimi Ertuğrul Karanlık, İstanbul təmsilçisinin keçmiş baş məşqçisi Hulusi Belgü və İsmayıl Kartalın oğlu Emre Kartal da var.