Meray Kerinin anası və bacısı eyni gündə dünyasını dəyişib
Amerikalı məşhur müğənni Meray Kerinin anası və bacısı eyni gündə dünyasını dəyişib.
Bu barədə BBC müğənninin verdiyi açıqlamaya istinadən məlumat verib.
Keri "Keçən həftə sonu anamı itirdiyimə görə çox üzgünəm. Təəssüf ki, gözlənilməz faciəvi hadisələr nəticəsində bacım da eyni gündə dünyasını dəyişdi" deyib.
Keri ölümündən bir həftə əvvəl keçmiş opera müğənnisi olan 87 yaşlı anası ilə vaxt keçirdiyinə görə şad olduğunu da dilə gətirib.
Amerikalı müğənni anası Patrisiya və böyük bacısı Alisonun ölüm səbəbləri ilə bağlı heç bir açıqlama verməyib.
Məşhur müğənninin atası Alfred Keri də 2022-ci ildə, 72 yaşında xərçəng xəstəliyindən vəfat edib.
