Aİ xarici işlər nazirləri Brüsseldə görüşüblər
![](/uploads/posts/2024-08/1f9d2223e4_ai3.jpg)
Avropa İttifaqı (Aİ) ölkələrinin xarici işlər nazirləri cari hadisələri qiymətləndirmək üçün bir araya gəlib.
Aİ XİN rəhbərləri Ukrayna, Yaxın Şərq və Venesuela kimi qlobal gündəm maddələri ilə bağlı məsləhətləşmələr aparmaq üçün Aİ-nin Xarici İşlər və Təhlükəsizlik Siyasəti üzrə Ali Nümayəndəsi Cozef Borrelin sədrliyi ilə Belçikanın paytaxtı Brüsseldə toplaşıb.
İclasın girişində Borrel Ukraynanın xarici işlər naziri Dmitro Kuleba ilə mətbuata birgə açıqlamalar verib.
AB-nin Rusiyaya qarşı sanksiyaları çərçivəsində dondurulan 1,4 milyard avroluq Rusiya varlıqlarının Ukraynaya və bu ölkəyə hərbi dəstək verən ölkələrə göndərildiyini açıqlayan Borrel, Ukraynanın müdafiə gücünü artırmaq üçün ilk dəfə belə birbaşa addımın atıldığına diqqət çəkib.
Borrell həmçinin bildirib ki, Ukraynaya hava hücumundan müdafiə vasitələrinin verilməsi prioritet olaraq qalır.
Kulebanın Qərb ölkələrinin silahlarının Rusiya daxilində qanuni hədəflərə qarşı istifadəsinə icazə verilməsi tələbini səsləndirəcəyini vurğulayan Borrel bu məhdudiyyətlərin aradan qaldırılması lazım olduğunu qeyd edib.